Coming Again Soon…

呢一排太忙, 所以個blog都好自然地放埋左一邊未有時間update。

當然, 我地依然健在。

雖然11月會係最忙既日子, 但我地都決定左11月中開始再update個blog。

之前無寫落blog既各位朋友, 真係唔好意思, 希望各位體諒。

Mandy & Kelvin

行程緊密既一日, 出門, 外影, 教堂, 到酒樓, 無間斷。不過, 辛苦成日換黎既成果都係值得既。
之前影婚紗相時已經同Mandy 同埋 Kelvin玩左成日, 所以呢次再見面, 再影相, 感覺又close好多。

如果話婚禮攝影只係幫客人影低佢地結婚既每一個細節, 不如話我地每一次都用心去見證唔同朋友們既大日子。有緣相遇, 可以獲得新人既信任, 一齊去見證大日子, 呢樣野已經係至高無上既歡樂。

祝兩位白頭到老, 主佑。

Kissie Chrissie??

Mandy & Edward

中大港大就影得多喇, 但去科大影婚紗相都係第一次。今日好特別, Mandy 同 Edward 都係科大既員工, 所以我地可以去到好多地方影相。
最靚既當然係個運動場啦, 好青春, 好熱血!

Edward 都係少有唔會點流汗既新郎哥… 佩服佩服。

希望你地鍾意D 相啦, 果日能夠同你地一對咁好玩既客人影相, 實在係我地榮幸!

暑假到了

暑假到了, 最近都會集中清理手頭上既照片。
仲有兩位婚宴客既blog 都仲未update, 真係唔好意思。
好快有架喇… 所有相同埋blog 相都係。

Becky & Daniel

Becky 同 Daniel 結婚呢日就驚險喇…
前一晚已經話會打風, 點知到正日就真係打左風喇。不過, 所有事都一樣順順利利。我地係室內果陣佢落雨, 出門口果陣又好天返。
到最後外影時, 終於都忍唔住落左雨了, 但係颱風見證下既新人, 真係打風都打唔甩架!
係忽然落起大雨果陣, 叫到Daniel細心咁為Becky擋風擋雨, 就知道佢幾咁愛錫Becky。

晚宴時, 佢地都好擔心會無人黎出席, 不過天文台做左件好事, 就係忽然話11點先會掛八號, 所以客人即刻又魚灌地進場, 虛驚一場。

不過就因為有一段時間好少客人黎, 所以成班兄弟姐妹同埋一對新人都玩到癲左, 係一個屬於你地兩個獨有既經驗黎架!

PS: Hey, 我都仲未搵到你地收相呀… 聽電話聲你地好似唔係香港。希望快d 聯絡到你地 & 現得開心d. =]

Doris & Benjamin

今日萬里無雲, 絕對係一個風和日麗既日子, 因為天氣熱, 令我地一行6人都好熱情, 所以我地就選擇左去馬爾代夫一日遊… 不過係香港版果隻。

第一次全世界既人都認同一樣野…
就係: 室內開晒冷氣既教堂居然比室外熱!

我地仲同船長呀姐學左唔少客家話添!

Pati & Jacky

Pati & Jacky 係一對好可愛既新人, 大家都好活潑好有活力。
今日都係第一次咁長時間係架車裡面渡過, 有鑑於之前有新娘子影到中暑既經驗, 今日見到天色唔太靚就放棄左赤柱既行程。但換黎既當然係更好既野啦。

平時新郎哥影跳起既相, 好多時都無可能一take中, 但Jacky 就唔同喇。佢跳得好好睇, 又夠高, 大家見到佢跳得咁開心, 咁當然要一齊跳住影返張合照。信師傅都係跳住黎影張合照架, 只不過大家見唔到。

Shan & Perry

最近終於有時間補返七月份新人們既blog喇…

Shan 同 Perry 比我地既印像都好nice, 好好笑容。佢地最勁既地方… 係結婚當日有一班陣容比TVB更強既親朋戚友幫佢地「撐艇」。撐艇儀式見就見過, 但二百幾人一齊撐, 都真係第一次見, 好大陣像呀!

有咁大班親友既加持同埋祝福, 我相信Shan 同 Perry 對於佢地既大日子都一定會好深刻, 祝你地兩個白頭到老!

Shan, 記得打比我拎相呀…!

Karen & Kelvin @ Macao

今日最值得紀念既, 除左係同一對漂亮既新人影相之外, 就係去左食安德魯葡撻。味道認真一流, 同瑪嘉烈葡撻相比, 安德魯既比較鬆軟。一般黎澳門玩, 要黎食佢既葡撻, 都幾困難。但今日終於食到喇, 多謝師傅介紹, 今日都係全車人第一次食。

Kathy & Alex

今年第一個酷熱天氣警告, 果然係熱到成車人都中暑。

但都有個難得一見既藍天, 再熱都值得啦。

Alex 比我地既感覺係一位好成熟穩重既男人, 果然。佢由朝早開始, 到夜晚影完後, 都係一樣咁照顧老婆。相信佢既穩重同埋細心, 一定可以比到Kathy 幸福既一生!

恭喜晒兩位!

Sutini & Steven

今日除左一對準新人外, 更有兩隻哥基仔, 好乖好靚好得意既哥基仔。

Sutini 同 Steven 係好鍾意狗既人, 狗仔黎到之前, 佢地狀態都未黎,
當兩隻哥基仔黎到果陣, 狀態即刻大勇!

自己既仔仔未黎, 當然掛心啦… (另外一隻樂樂係佢地既朋友)

祝三位黎緊都可以健康快樂!

Cissy & Jack @ Macao

今日係連續兩澳門工作既第二日。
主角們都好特別…. CISSY 係毛里裘斯返黎既華僑, 剩係聽到毛里裘斯已經夠特別啦, 所以佢既性格都係好開朗好好玩, 全程不停咁笑, 真係令到全車人都跟埋佢一齊咁開心。
仲有一樣好特別既野, 就係CISSY 同 JACK 既中文名居然係一樣的!! 真係有緣呀, 可以識到個同自己一樣名但唔同性別既人, 仲要黎緊就結為夫婦。

希望兩位黎緊每一日都可以好開心咁過啦

最後梗係有大合照一張~~

Kwan Ki & Wai Shing

黎緊呢兩日都係連續澳門工作, 所以夜晚索性住埋係到。

今日影既係一對警隊精英, 隨行既都仲有佢地既另一位朋友, 又係警隊精英。

每次影親做警察既新人既時候, 都硬係有好多鮮為人知既故事聽。一路行, 一路聽, 無停過, 成車人都比 Wai Shing 講故事既技術吸引住, 笑餐死。

Annie & Sean

今日全日都係新嘗試: 新既地點, 新既角度, 新既風格, 新既POSE, 當然仲有一對新既新人。
今日可以乜都新, 全因為 Annie 同 Sean 都係一對非常之咁玩得既新人, 拍照時又全情投入, 所以好難唔跟埋佢地一齊投入。

長話短說, 希望兩位鍾意D 相, 希望兩位以後都可以好似今日咁合拍恩愛。

Peggy & Lik

今朝出門原本都仲落大雨, 原本都諗住唔知點算。但Peggy 同 呀力 一搞掂晒出門, 個天即刻放晴, 仲要熱到大家溶化。
太陽既熱情並唔能蓋過我地影相既熱情, 雖然汗流夾背, 但一樣落力堅持到最後一刻!

恭喜晒兩位, 今日有幸可以影一日相, 真係好辛苦既事, 但大家都開心, 希望你地滿意相片啦 =]

旗袍造型~~~ 夠 classic 。

Candy & Fong

今日要寫既野好簡單: 前所未有咁靚既黃昏。寫完, BYEBYE。

講笑姐, 邊有咁快。今日仲去左D 好特別既地方影相。
我相信灣仔藍屋大家都聽過啦, 不過呢到都未係最特別。
我更加相信灣仔船屋既南固臺大家都聽過, 呢到出名陰森同埋猛鬼。我地今日就係去左呢到….. 既隔離, 同樣係猛鬼地帶既聖路琦中學…… 既下面影相。點解 ? 因為呢到正囉。
Candy 由細到大都係灣仔大, 住係呢頭, 所以對呢到特別有感情。

除左猛鬼野, 當然仲有灣仔特色。

跟住就上左山頂纜車…. 既其中一個站影相。
話說我地ERIC大師唔太熟路, 兜左好耐, 最後都要靠專業車手 — 的士哥哥帶路先上到去。

最後梗係要補返一開始既石澳。

大潭少有既靚景

Cathy & Leo

我地一隊人可以幫Cathy 同 Leo 記錄佢地既大日子, 實在係我地既榮幸, 因為佢地係郎才女貌既代表。

原本前一日都落晒大雨咁, 但到左佢地既大日子, 居然陽光譜照左一日, 不過夜晚一樣又落大雨又行雷閃電。真係天主保佑。
由於佢地一個係醫生, 一個係護士, 同時又係虔誠教友, 天主都唔捨得要一對咁好既新人狼狽之中完成婚禮啦。

平時好多新人都會玩好多遊戲去為難一下新郎哥, 但今日遊戲唔太高難度, 都好輕鬆就過到關。或者呢D 就係Cathy 同埋佢一班姐妹都錫住Leo 呢個咁好既老公…. 當然佢有佢既一班兄弟團, 唔想佢地咁辛苦玩完仲要辛苦成日。雖然遊戲唔多, 但氣氛一樣非常好。

愛的宣言上面 Leo 填得非常好,

每年 都要慶祝今日,
每月 俾家用,
每日 叫你起身,
每分 掛住你,
每秒 都愛你。

雖然簡單, 但只要做到晒以上五項, 已經比到最幸福既日子比Cathy 喇。

祝兩位白頭皆老, 同埋每秒都愛對方, 係對方身上活出基督。

呢對名牌好靚呢。

墾丁遊記

快( 1 粒鐘就到 )
令( 花海，農場，沙漠，海灘，黃昏magic……)
正( 平，一句講哂，機票，民宿，包車，到食都好平！)
hahaha, 7月頭再去過！

墾丁大佬!

Maggie & Man

今日既女主角 Maggie 係我地之前既一個客人 Christine 既細妹, 所以我地一早係Christine 既婚禮當日已經見過面喇, 感覺寧舍熟。
呀 Man 個名都好襯佢個人, 真係好 Man! 不過今日太曬喇, 好多時都要曬住咁影相, 下晝 Maggie 同 Man 已經好累, 所以我地決定早D 去立法會外換定衫等 同埋休息下。

不過早左到立法會, 影到既野同平時又唔同, 平時太夜先到, 影埋個天一定黑晒唔靚, 但今日影埋個天都仲係好藍, 加上立法會既橙燈, 真係冷暖對比好強!

左冷右暖中間白, 正呀。

Catssy & Blue

今日係第二次同 Twiny 佢地合作。兩次出黎, 都係成村人咁出動, 熱熱鬧鬧, 感覺好特別, 好似去旅行。

原本以為今日落硬雨影唔到相, 點知一樣得, 仲有唔少靚野添。可能主角太型仔靚女, 所以個天都等多陣先落雨。

全程既景點都係精品, 尤其係西貢圍村… 簡直前無古人, 後無來者。

Photoshop 講座

最近忙到甩肺, 相都執唔切, 所以BLOG 進度都慢左, 大家唔好意思!
黎緊 6月18日, 信師傅將會有個PHOTOSHOP 講座,
詳請請睇呢個網址

http://www.dclifehk.com/viewthread.php?tid=17923&extra=page%3D1

Helen & Jim

我地每日一明星既傳統居然去到婚宴大日子都出現…
今日有請任達華….

Helen 今日個妝都好靚女, Jim 又勁似任達華, 講野POSE都似到足, 真係郎才女貌。
最近因為比較忙又出左個TRIP, 所以你地個BLOG 遲左咁多… 真係唔好意思。
我地一般都係兩三日內就出BLOG… 要你地成為我地第一對遲左十幾日先有BLOG睇既客人, 真係唔好意思!

講返當日, 全日既行程都比較緊湊, 但緊得黎又好順利, 好明顯 HELEN 同埋 JIM 用左好多時間去準備。

我地最近有個習慣, 好多時信師傅 & 小明一去到晚宴入席後就會早走, 剩低既工作交晒比大會攝影師呀VOON做。
今次都係我地好耐都未試過既… 踩足全場, 再一次感受新人們晚宴既忙碌。睇住HELEN 同埋 JIM 去到夜晚影相個樣已經好眼訓, 但都頂硬上, 全程提供笑容, 真係好專業。果然有影帝既風範!

見唔見到麥當奴叔叔呀?

哥球車入場… 型呀

Blue & Jacky

黎澳門… 梗係去鉅記啦。但今次有例外… 因為趕唔切… 係趕唔切食, 上兩次黎澳門買得太多, 食都食唔晒, 所以今日SKIP一次。

今日一早上到去, 第一眼除左見到一對準新人之外, 就見到一對哈哈笑細婚公仔。呢對公仔唔係話非常獨一無二, 但一坐低睇埋份澳門日報, 就覺得好特別。

佢地唔係咩新出既高科技電子零件, 但係咁岩得咁橋, 澳報今日係講笑一笑世界更美妙, 呢一對公仔就係主角。

之後一行埋窗邊, 就見到絕對難得既街景。真係好靚, 好似油畫。

今日既天氣都係一流, 去到邊曬到邊, 同上次澳門TRIP一樣, 超熱。

但熱完, 睇到D 相咁靚, 真係值得既。

Elaine & Pan

黎澳門… 都話左係要去鉅記架啦!
今日又再次同 Elaine & Pan 踏足澳門, 係一對靚仔靚女既組合。
男既唔知似邊個, 但就係好靚仔, 明明係中國人, 但個樣又鬼鬼地, 你話幾迷人! 而女既… 就延續左我地每日一明星既傳統, 佢好似佘詩曼, 只係外表似足佘詩曼, 內裡梗係完全相反啦, 即係nice 囉。

今日同時亦係自2009年有史以黎最熱既一日, 所以影左一陣, 已經頂唔順要補給。因為今日流浪他鄉, 所以軍糧補給方面唔係太足夠, 難得去到補給點, 梗係盡情掃貨。

除左救命既沙冰, 我地5個人加埋仲食左 $20 蚊魚蛋….

唔好以為係旺角, $20蚊得 10粒… 呢到係澳門, 仲要撞正新開張優惠, $1 已經有5粒喇。20蚊即係… 100粒, 咪話唔厲害。

救命物資

See? 1蚊串。

影左一整日, 夜晚又係鉅記時間。大家一齊影左張合照, 係間鋪玩左好耐, D 店員都好好禮貌一齊玩, 比著係香港早就比人話運吉。
給果張合照經高人指點後, 就黎左呢個位影… 一般可以用蔡瀾合照, 二黎可以影到好多產品, 呢位高人真係識做。

信師傅既招牌買手信動作

當然唔少得小明 同 Clara 既咸魚啦… 上次一條, 呢次兩條, 再下次應該成堆攬上身..

好, 野就寫完, 睇相啦。 =]

Liz & Ellis

今日我地去左芭堤雅玩左成日。熱帶地區果然係熱過人, 熱到人都熱情埋。
租住架遊艇出海個感覺真係好, 得閒鍾意又去下呢個島, 唔鍾意又轉個第二個島, 呢D 就叫做豪。
Liz 同 Ellis 同埋佢兩位老友因為要影婚紗相, 唔係應該會出埋海中心玩潛水。

因為今日第一次去呢到影相, 影到靚相份外開心, 幾熱都抵呀!

Behind the scene.

新人同埋佢地既老友。

Carmen & Jack

Happy Mother’s Day everyone. Carmen & Jack had a very special and meaningful wedding on a very special day.
When I was still thinking what to get to my mother, I knew the answers from Carmen & Jack. The best gift for mother on Mother’s Day is what Carmen & Jack gave today, a truthful, devoted and loving heart.

The smiles on both mothers’ face were impressive. Congratulations to Carmen & Jack again, wish you two a very happy marriage.

澳門美食豪華團 Christy & Marvyn

黎澳門… 梗係要玩同埋食, 唔少得既仲有買手信。

是日午餐係肥佬燒烤果到既全烤宴, 基本上佢有乜我地就叫乜, 試晒佢全鋪。

是日晚餐係… 鳳城禮記既雞煲翅套餐。非常好味, 食魚翅有雞味, 境界比食翅有翅味更高。

至於買手信… 梗係揀鉅記。蔡瀾都係咁話… 佢既一句食餅有餅味, 令到鉅記身價暴升十倍, 連我地呢D 黎開黎熟既都要買返D 手信返屋企。

信師傅拎住成大堆戰利品擺出個得戚樣… 原來仲有段故。

小明同Clara都要整返兩條馬友, 試下鉅記咸魚係咪真係有咸魚味。

話說師傅入黎鉅記之前, 係鋪外試晒人地D 肉乾。以下對白係真人真事, 並唔係設計對白。

剩係打信師傅既對白就夠。

信:我想試下D 牛肉乾

信: 有無辣架?

信: 呢隻好似辣得滯

信: 豬肉乾有無辣架?

信: 有無隻再辣D?

信: 有無唔辣?

雖然最後信師傅都買左幾隻肉乾, 但事後信師傅都表示, 落黎手信街打個轉, 真係唔洗用錢就食得飽。是旦UP幾句就試晒人地6隻豬肉乾。

入返正題… 今日既領隊 Christy 同 Mavyn 真係好玩得, 佢地完全似黎旅行多過影婚紗相。見到佢地玩得咁甜蜜, 真係想影D 相出黎唔甜都唔得啦。

我地早上出門果陣, 天氣差, 仲有D 微雨。點知到左下晝, 超猛既陽光, 超藍既天空居然出返黎。澳門既藍天藍到好似拉薩的天空, 真係百年難得一見。

Facebook Group

大家好。其實我地係有個 Facebook Fan Group架, 如果大家有問題想問, 或者有野想傾, 都歡迎大家加入!

係果到問野同埋交流會方便好多!

Click to Join

Kerry & Gary ; 懵豬 & 豆釘

你無睇錯, 今日個標題真係有兩 pairs。我地當然唔係同一日影兩對新人咁無誠意, 而係今日我地多左一對特別既嘉賓 — 懵豬 & 豆釘 — 前者係一隻白爹利, 後者係一隻白史納莎。
朝早出門落住微雨, 諗住無運行, 點知一去到石澳, 個天真係出奇地好。第一次影正灘有咁靚既陽光同埋藍天同埋海水! 簡直唔敢相信係香港…
一路上兩隻狗仔都好乖, Kerry 同 Gary 都好有愛心, 佢地既好友們 呀強同埋呀文都非常之咁幫得手。你地有齊幸福既條件: 一個愛自己既人, 一D 咁賣力幫手既朋友仔, 精叻乖巧既狗仔… 當然我地都好幸福, 因為可以有幸替你地同埋 懵豬 & 豆釘 影到一輯咁特別既婚紗相!

平時影開人覺得有D 難度, 今日影埋狗仔, 簡直係超難… 但靚相一樣有保證! 點解? 因為我地成車都係養狗愛狗之人丫嘛!

懵豬 & 豆釘

Shan & Nero

今日天氣非常好… 好多個月都無見過咁好天。呢排影親相, 總有一個主角似明星, 今次既女主角 Shan 就好似樂基兒, 唔係我地講架, 連婚紗展既SALES又係咁講, 男主角又係咁講。
Nero 係一個非常健談既人, 對話間都聽得出佢好關心人, 係一位好好先生。而且今日Nero 既特別安排, 令到輯相變得更特別, 更加有意思。個特別安排… 就係去到赤柱, 見到Nero 爸爸。我地一落車, 見到佢走去搵人, 真係估唔到, 原來佢地黎赤柱都係為左同爸爸影合照。兩個人留下婚紗倩影既時候, 都無唔記得呀爸, 兩位都係頂級孝順既人, 好難得!
可能今日呀女主角真係太似樂基兒, 行到邊都有人恭喜, 甚至有人爭住埋黎一齊合照。
原來真係有人見人愛呢回事。